2. Cursos de formación e perfeccionamento
Serán valorados como mérito os cursos de formación impartidos ou recibidos cunha duración mínima de 8 horas e organizados ou promovidos pola Valedora do Pobo, polas escolas oficiais de formación do Estado, das comunidades autónomas, cursos organizados e/ou impartidos no marco do Acordo de formación para o emprego das administracións públicas (AFEDAP) e os cursos organizados e/ou impartidos polas organizacións sindicais sempre que estivesen homologados ou acreditados polos órganos de formación das Administracións Públicas.
Os cursos unicamente poderán ser valorados nun apartado.
Valoraranse as probas de avaliación de carácter libre organizadas por escolas oficiais de formación do Estado e das comunidades autónomas, ao consideralas equivalentes a un aproveitamento polas horas previstas dos correspondentes cursos organizados e impartidos polas mesmas.
Non se valorará a asistencia a congresos, xornadas, seminarios, simposios e similares, módulos ou partes integrantes dun curso, materias (créditos) que formen parte dunha titulación académica, cursos de doutoramento e cursos que formen parte dos procesos de selección de persoal funcionario.
Non se valorarán cursos nos que non figure o número de horas de duración, cursos sobre normativa que estea derrogada tres anos antes da data da publicación da presente convocatoria, nin cursos sobre aplicacións ou sistemas informáticos que pola súa obsolescencia deixaran de ser utilizados nas Administracións públicas ou nos órganos constitucionais e estatutarios.
A puntuación máxima por cursos de formación e perfeccionamento será de 10 puntos.